«Объектіге бағытталған программалау тілдерін қолдана отырып бағдарламалық код жасау» пәні студенттерге заманауи бағдарламалау тілдерінде объектіге бағытталған принциптерді қолдана отырып кәсіби бағдарламалық жасақтама әзірлеудің негізгі әдістері мен тәсілдерін үйретеді. Курста объект, класс, инкапсуляция, мұрагерлік, полиморфизм сияқты ООП тұжырымдары практикалық мысалдар арқылы түсіндіріледі.
Студенттер Java, Python немесе C++ секілді тілдерде объектілік құрылымды жобалайды, модульдік және қайта қолдануға болатын бағдарламалық компоненттер жасайды, күрделі жүйелердің архитектурасын құрастырады. Сонымен қатар деректер құрылымдарын объектілік модельдеу, интерфейстер мен абстрактты кластарды пайдалану, қателерді өңдеу, файлдармен жұмыс, объектілер арасындағы өзара әрекеттестікті ұйымдастыру қарастырылады.